Ռուսաստանն ու Չինաստանը վախ չունեն ՆԱՏՕ-ից, եթե այնտեղ չէ ԱՄՆ-ն. Թրամփ

ԱՄՆ նախագահ Դոնալդ Թրամփը հայտարարել է, որ իր երկիրը ցանկացած պարագայում կշարունակի աջակցել ՆԱՏՕ-ին։ Համապատասխան գրառում նա կատարել է Truth Social սոցիալական ցանցում։

«Ռուսաստանն ու Չինաստանը վախ չունեն ՆԱՏՕ-ից, եթե այնտեղ չէ ԱՄՆ-ն։ Մենք միշտ կգործենք հանուն ՆԱՏՕ-ի, նույնիսկ, եթե այն չգործի հանուն  մեզ»,- ընդգծել է Թրամփը։

ԱՄՆ նախագահը միաժամանակ նշել է, որ իր նախագահության առաջին ժամկետի ընթացքում վերակառուցել է երկրի զինված ուժերը և շարունակում է այդ գործընթացը։ Նա հիշեցրել է, որ դաշինքի անդամ երկրներին համոզել է պաշտպանության ծախսերը տարեկան ՀՆԱ-ի 2%-ից հասցնել 5%-ի։

Ավելի վաղ Դանիայի վարչապետ Մետտե Ֆրեդերիկսենը հայտարարել էր, որ Գրենլանդիայի նկատմամբ ԱՄՆ-ի հավակնությունները կարող են հանգեցնել ՆԱՏՕ-ի կազմաքանդմանը։