Ռուբիոն կհանդիպի Դանիայի ներկայացուցիչների հետ Գրենլանդիայի հարցով

ԱՄՆ պետքարտուղար Մարկո Ռուբիոն հայտարարել է, որ նախատեսում է հաջորդ շաբաթ հանդիպել Դանիայի ներկայացուցիչների հետ՝ Գրենլանդիայի շուրջ ստեղծված իրավիճակը քննարկելու նպատակով։

Ավելի վաղ Սպիտակ տան խոսնակ Քերոլայն Լևիթը նշել էր, որ Դոնալդ Թրամփը և նրա վարչակազմը քննարկում են Գրենլանդիան ձեռք բերելու մի շարք տարբերակներ, և ընդգծել էր, որ ԱՄՆ ԶՈւ օգտագործումը մշտապես գտնվում է գերագույն գլխավոր հրամանատարի տրամադրության տակ։

Հիշեցնենք՝ ավելի վաղ հայտնել էինք, որ Դանիայի և Գրենլանդիայի կառավարությունները դիմել են ԱՄՆ պետքարտուղարություն՝ պետքարտուղար Մարկո Ռուբիոյի հետ «անմիջապես» հանդիպում կազմակերպելու խնդրանքով: