Եվս մեկ քայլ՝ Ռուսաստանի հետ ուղիղ հակամարտության. Սիյարտո
Հունգարիան մերժում է «կամավորների կոալիցիայի»՝ Ուկրաինայի վերաբերյալ որոշումները, դրանք կարող են հանգեցնել Ռուսաստանի հետ պատերազմի, այս մասին հայտարարել է Հունգարիայի ԱԳ նախարար Պետեր Սիյարտոն։
Սիյարտոյի գնահատմամբ՝ արևմտաեվրոպական մի շարք երկրներ, փորձելով ապահովել ռազմական ներկայություն Ուկրաինայում, մեծացնում են Ռուսաստանի հետ ուղղակի պատերազմի վտանգը։ Նրա խոսքով՝ նման նախաձեռնությունները նպաստում են տարածաշրջանում լարվածության աճին և չեն ծառայում կայունության ամրապնդմանը։
Հունգարիայի արտգործնախարարը նշել է, որ Բուդապեշտը շարունակում է հանդես գալ խաղաղ կարգավորման օգտին և աջակցում է բանակցային գործընթացներին։ Նա առանձնահատուկ կարևորել է ԱՄՆ-ի և Ռուսաստանի միջև բարձր մակարդակի հանդիպումների անցկացումը՝ որպես լարվածության նվազեցման հնարավոր գործիք։
Միաժամանակ Սիյարտոն ընդգծել է, որ Հունգարիան չի ընդունում Բրյուսելի վերջին որոշումները, որոնք, նրա ձևակերպմամբ, ավելի են մոտեցնում ռազմական էսկալացիան և հեռացնում խաղաղ լուծման հեռանկարը։
