Ուիթքոֆը և Քուշները մեկնել են Ելիսեյան պալատ՝ մասնակցելու «Կամավորների կոալիցիայի» փակ նիստին
ԱՄՆ նախագահի հատուկ դեսպանորդ Սթիվեն Ուիթքոֆը և Ջարեդ Քուշները Փարիզում Ուկրաինային օգնելու համար կայանալիք «Կամավորների կոալիցիայի» փակ նիստին մասնակցելու համար մեկնել են Ելիսեյան պալատ։ Հանդիպմանը կմասնակցի նաև Ուկրաինայի նախագահ Վլադիմիր Զելենսկին, այս մասին փոխանցում են ուկրաինական լրատվամիջոցները:
Մասնակցելու են նաև Ֆրանսիայի նախագահ Էմանուել Մակրոնը, Մեծ Բրիտանիայի վարչապետ Քիր Սթարմերը, Գերմանիայի կանցլեր Ֆրիդրիխ Մերցը, Իտալիայի վարչապետ Ջորջիո Մելոնին և Կանադայի վարչապետ Մարկ Քարնին։
Կողմերը կքննարկեն առաջարկվող հրադադարի պարամետրերի, հնարավոր խախտումների արձագանքի և Ուկրաինայում բազմազգ ուժերի տեղակայման հնարավորության վերաբերյալ ընդհանուր տեսլականը։
