Մադուրոյին կարող են մահապատժի ենթարկել․ ԶԼՄ
Եթե ամերիկյան դատարանը Մադուրոյին մեղավոր ճանաչի առաջադրված չորս կետերով, ապա նրան կարող է պատժի առավելագույն չափը սպառնալ։ Այս մասին հայտնում է New York Post պահպանողական պարբերականը:
Ինչպես հաղորդում է DW-ն, Մադուրոն մեղադրվում է վերահսկվող նյութերի մասին օրենքը խախտելու մեջ՝ «շարունակական հանցավոր գործունեության» շրջանակներում:
Միևնույն ժամանակ, պարբերականը նշում է, որ թմրանյութերի հետ կապված հանցագործությունների համար մահապատժի դատավճիռներ հազվադեպ են կայացվում. նման դատավճիռների մեծ մասը կապված է սպանությունների հետ:
Ավելի վաղ ԱՄՆ գլխավոր դատախազ Փեմ Բոնդին հայտարարել էր, որ Նիկոլաս Մադուրոն և նրա կինը «շուտով կբախվեն ամերիկյան արդարադատության ողջ ցասմանը՝ ամերիկյան հողի վրա և ամերիկյան դատարաններում»:
