Ֆինասների նախարարը մեկնաբանել է հետվճարների վերաբերյալ տեղեկությունները
Սիրելինե՛րս, վերջին երկու օրերի ընթացքում շրջանառվում է տեղեկատվություն առ այն, որ մենք նախկինում մանիպուլացրել ենք մարդկանց և չենք նշել, որ ֆիզիկական անձանց կողմից կատարված անկանխիկ եղանակով վճարումներից հետվճար տրամադրելու միջոցառման շրջանակներում հետվճար ստանալու են այն անձինք, ովքեր ունեն ԱՐՔԱ վճարային քարտեր: Այս մասին հայտնել է ՀՀ Ֆինասների նախարար Վահե Հովհաննիսյանը
«Իրականում, սակայն, դեռևս 2026 թվականի պետական բյուջեի նախնական քննարկումների ժամանակ մանրամասնորեն անդրադարձել եմ այս թեմային առնչվող հարցերին, ուստի մարդկանց, ովքեր ընկալում են մեր հայտարարությունների միայն մի մասը, խորհուրդ կտամ անհիմն մեղադրանքներ չհնչեցնել: Նպատակները հստակ են՝ նվազեցնել ստվերը և միաժամանակ զարգացնել ազգային վճարային համակարգը»,- գրել է նա:
