Պետդեպարտամենտը մեղադրել է NBC-ին Ուիթքոֆի և Ռուբիոյի մասին սուտ լուրեր տարածելու մեջ
ԱՄՆ Պետդեպարտամենտի խոսնակ Թոմի Պիգոթը մեղադրել է NBC-ին նախագահ Դոնալդ Թրամփի թիմի մասին ստեր տարածելու մեջ՝ պետքարտուղար Մարկո Ռուբիոյի և նախագահի հատուկ դեսպանորդ Սթիվ Ուիթքոֆի միջև տարաձայնությունների մասին հոդվածից հետո։
«NBC Fake News-ը հենվում է անանուն, անտեղյակ աղբյուրների վրա՝ նախագահ Թրամփի թիմի մասին ստեր տարածելու համար», - գրել է Պիգոթը իր X սոցիալական ցանցի էջում՝ լրատվամիջոցի անվանը՝ NBC News-ին ավելացնելով «կեղծ» բառը։
Նա հավելել է, որ Ռուբիոն Ուիթքոֆին համարում է ընկեր և հայրենասեր, «ով ավելի ազնիվ է, քան NBC-ում կամ նրանց «աղբյուրներում» որևէ մեկը»։
Հիշեցնենք` ԱՄՆ պետքարտուղար Մարկո Ռուբիոյի և ԱՄՆ նախագահի հատուկ բանագնաց Սթիվ Ուիտկոֆի միջև առկա լուրջ տարաձայնությունները Ուկրաինայի շուրջ բանակցությունների հարցում կարող են էական ազդեցություն ունենալ հակամարտության հետագա զարգացման վրա։ Այս մասին հայտնում է ամերիկյան NBC News հեռուստաալիքը՝ հղում անելով իր աղբյուրներին։
