Ուկրաինան ընդունում է Դոնբասի կորուստը. Վենս
Ուկրաինան Դոնբասից դուրս գալը համարում է «լուրջ անվտանգության հարց», սակայն Կիևի պաշտոնյաները գաղտնի կերպով ընդունում են, որ ի վերջո կկորցնեն տարածաշրջանը: ԱՄՆ փոխնախագահ Ջ.Դ. Վենսը այս մասին հայտարարել է UnHer-ին տված հարցազրույցում:
Նրա խոսքով՝ ռուսական կողմը «իրոք ցանկանում է տարածքային վերահսկողություն հաստատել» Դոնբասի նկատմամբ, սակայն ուկրաինացիները դա համարում են «լուրջ անվտանգության հարց»:
«Նրանք գաղտնի կերպով ընդունում են, որ ի վերջո, հավանաբար, կկորցնեն Դոնբասը, բայց դա «ի վերջո» կարող է տեղի ունենալ 12 ամսվա ընթացքում կամ նույնիսկ ավելի ուշ: Հետևաբար, այս տարածքային զիջումը բանակցությունների համար էական խոչընդոտ է: Ես կասեի, որ դա սարսափելի տարածքային զիջում է», - նշել է Վենսը:
ԱՄՆ փոխնախագահը ընդգծել է, որ բանակցություններում քննարկվում են այլ, «մի փոքր պակաս նշանակալի հարցեր»: Դրանք վերաբերում են Զապորոժյեի ատոմակայանի վերահսկողությանը, Ուկրաինայում էթնիկ ռուսների և Ռուսաստանում ուկրաինացիների իրավիճակին: Ուկրաինայի վերակառուցման հարցը նույնպես կարևոր է, և Կիևն ավելի շատ կենտրոնացած է դրա վրա, քան Մոսկվան, նշել է Վենսը:
Նա ընդգծել է, որ Ռուսաստանը և Ուկրաինան վերջին մի քանի ամիսների ընթացքում «բարի մտադրությամբ» բանակցություններ են վարել, և ԱՄՆ-ն կշարունակի փորձել լուծել խնդիրը խաղաղ ճանապարհով։
«Կարծում եմ՝ մենք առաջընթաց ենք գրանցել, բայց այսօր այստեղ նստած՝ ես վստահությամբ չէի ասի, որ մենք կհասնենք խաղաղ կարգավորման։ Կարծում եմ՝ մեծ հավանականություն կա, որ դա տեղի կունենա, և մեծ հավանականություն կա, որ դա տեղի չի ունենա», - ընդգծել է նա։
