Դրանք կդառնան ինտենսիվ քննարկումների առարկա. Ուրսուլա ֆոն դեր Լայեն
Եվրահանձնաժողովի նախագահ Ուրսուլա ֆոն դեր Լայենը հայտարարել է, որ Եվրոպական միությունը նպատակ ունի արդեն այսօր համաձայնեցնել Ուկրաինայի ֆինանսավորման մեխանիզմը առաջիկա երկու տարիների համար։
Լրագրողների հետ զրույցում նա նշել է, որ ներկայացրել է ֆինանսավորման երկու տարբերակ, որոնք ներկայումս գտնվում են քննարկման փուլում։ Առաջին տարբերակը նախատեսում է ֆինանսավորում ԵՄ բյուջեի հաշվին՝ բյուջետային փոխառությունների միջոցով, իսկ երկրորդը՝ վնասների փոխհատուցման նպատակով տրամադրվող վարկի ձևաչափով։
«Ես ներկայացրել եմ երկու առաջարկ, և դրանք կդառնան ինտենսիվ քննարկումների առարկա»,- նշել է Եվրահանձնաժողովի նախագահը:
