Ուկրաինայում հանրաքվեն կդանդաղեցնի բանակցությունները․ Մեդվեդև

Մեկնաբանելով Ուկրաինայի նախագահ Վլադիմիր Զելենսկու տարածքային հարցի շուրջ հնարավոր հանրաքվեի մասին խոսքերը՝ Ռուսաստանի Անվտանգության խորհրդի փոխնախագահ Դմիտրի Մեդվեդևը հայտարարել է, որ սա չափազանց վատ պատասխան  է Միացյալ Նահանգներին, և որ Կիևը այդպիսով կհետաձգի կարգավորման բանակցությունները։

Ավելի վաղ «Օբշչեստվեննոյե» հեռուստաալիքը հաղորդել էր, որ Զելենսկին առաջարկել է անցկացնել «համաուկրաինական հանրաքվե» տարածքային հարցերի շուրջ։

«Այս թմրամոլը վատ վերաբերմունք և պատասխան տվեց Սպիտակ տանը։ Բոլորը հասկանում են, որ Ուկրաինայի տարածքային հարցերի շուրջ հանրաքվեն կհետաձգի բանակցությունները։ Հենց սա է փորձում անել Կիևի ծաղրածուն։ Որքա՞ն դեռ կհանդուրժես սա, Ամերիկա», - գրել է Մեդվեդևը սոցիալական ցանցերում։