Նրա շուրթերը նման են փոքրիկ գնդացիրի «ապ, ապ, ապ». Թրամփը՝ Լիվեթի մասին
Սոցիալական հարթակներում լայն արձագանք է ստացել ԱՄՆ նախագահ Դոնալդ Թրամփի վերջին ելույթը, որի ընթացքում նա կրկին հանդես է եկել անկաշկանդ ու դիտարկումների տեղիք տվող արտահայտություններով։ Այս անգամ Թրամփի «քննադատական-գովասական» մեկնաբանությունների թիրախում էր Սպիտակ տան մամուլի քարտուղար Կերոլայն Լիվեթը։
«Չէ՞ որ նա հիանալի է։ Երբ նա հայտնվում էր Ֆոքսի եթերում, պարզապես իշխում էր։ Նա այնտեղ է՝ իր գեղեցիկ դեմքով ու շուրթերով, որոնք չեն կանգնում։ «Ապ, ապ, ապ»՝ ինչպես փոքրիկ գնդացիր։ Նա վախ չունի։ Իսկ գիտե՞ք ինչու։ Որովհետև մենք ճիշտ քաղաքականություն ունենք»,- ասել է Թրամփը՝ չզլանալով նաև ինքն իրեն գովել։
Թրամփի հայտարարությունը մամուլի շրջանում առաջացրել է ինչպես քննադատություն, այնպես էլ հեգնանք:
