ԱՄՆ-ն Վենեսուելայի ափերի մոտ նավթատար է առգրավել․ Bloomberg
ԱՄՆ ուժերը Վենեսուելայի ափերի մոտ առգրավել և վերահսկողության տակ են վերցրել պատժամիջոցների տակ գտնվող նավթատարը։ Այս մասին հաղորդում է Bloomberg գործակալությունը։
Սպիտակ տունը դեռևս չի մեկնաբանել միջադեպը, ինչպես նաև Վենեսուելայի պետական Petróleos de Venezuela SA ընկերությունը կամ համապատասխան նախարարությունները։
Առգրավումը կարող է բարդացնել վենեսուելական նավթի արտահանումը. բեռնափոխադրողները, վախենալով պատժամիջոցներից, հավանաբար ավելի զգույշ կլինեն իրենց բեռը բեռնելիս։
Կարակասի արտահանման մեծ մասն ուղարկվում է Չինաստան, սովորաբար միջնորդների միջոցով և զգալի զեղչերով՝ ԱՄՆ սահմանափակումների հետ կապված ռիսկերի պատճառով։
