Ինչ է գրել Ալիևը` Պուտինին ուղղված նամակում

Ադրբեջանի նախագահ Իլհամ Ալիևը շնորհավորական նամակ է հղել Վլադիմիր Պուտինին Ռուսաստանի օրվա առթիվ:

Շնորհավորանքում Ադրբեջանի ղեկավարը նշել է, որ Ադրբեջանի և Ռուսաստանի միջև հարաբերությունները հիմնված են բարեկամության, բարիդրացիության և փոխադարձ հարգանքի ավանդույթների վրա։ Ալիևը նաև ընդգծել է առևտրատնտեսական համագործակցության, միջտարածաշրջանային և մշակութային-հումանիտար կապերի ակտիվ զարգացումը։

Ալիևը վստահություն է հայտնել, որ համատեղ ջանքերն այսուհետ ևս կնպաստեն ադրբեջանա-ռուսական հարաբերությունների ամրապնդմանը՝ ռազմավարական գործընկերության և դաշնակցության ոգով։