Սկանդալային դեպք «Նուբարաշեն» քրեակատարողական հիմնարկում․ 168, am

Արտառոց, սկանդալային դեպք է տեղի ունեցել ՀՀ Արդարադատության նախարարության «Նուբարաշեն» քրեակատարողական հիմնարկում (ՔԿՀ), որը ծածկադմփոց է արվել Քրեակատարողական ծառայության (ՔԿԾ) կողմից։ Այս մասին գրում է 168.am-ը։

«Նուբարաշեն» ՔԿՀ-ի օպերատիվ բաժնի պետ Կարեն Գրիգորյանը իր աշխատասենյակում բաժնի օպերատիվ ծառայողների (անուններն այս պահին չենք հրապարակում.- Ա.Վ.) հետ ծեծի են ենթարկել ռեժիմի աշխատակիցներից մեկին (անունը հասկանալի պատճառներով առայժմ չենք հրապարակում.- Ա.Վ.)՝ ծեծն ուղեկցելով այլանդակ հայհոյանքներով:

Մեր տեղեկություններով՝ սա ամենևին առաջին դեպքը չէ. այդ անձինք մշտապես հայհոյում, վիրավորում ու ծեծի են ենթարկում ՔԿ հիմնարկի աշխատակիցներին, և նրանցից շատերն աշխատանքից ազատվել են հենց այդ պատճառով»,- գրում է կայքը։

Auroranews.am-ը կապ հաստատեց Արդարադատության նախարարության մամուլի խոսնակի հետ։ Մեզ հայտնեցին, որ ներկա պահին այս դեպքի հետ կապված տեղեկություն չունեն, սակայն հավելեցին՝ տեղեկություն ունենալու դեպքում կկապվեն մեզ հետ։