Թեհրանը հայտարարել է, որ պատերազմի ժամանակ թշնամիները իր հյուսիսային հարևաններին խոստացել են Իրանի տարածքները
Իսլամական հեղափոխության պահապանների կորպուսի նախկին հրամանատար Մոհսեն Ռեզաին նշել է, որ 12-օրյա պատերազմի ժամանակ թշնամիների սխալն այն էր, որ ենթադրել են, որ Իրանը մենակ է։
«Թշնամիները նույնիսկ տարածքային խոստումներ են տվել իրենց որոշ հյուսիսային և հարավային հարևաններին և կարծում էին, որ Իրանը վերջացած է։ Սակայն նրանց սխալն այն էր, որ չճանաչեցին իրանցի ժողովրդին և չհասկացան, որ Իրանի մեծ երկիրը չի վերադառնա վերջին 300 տարվա իրավիճակին», - ասել է Ռեզաին։
Նրա խոսքով՝ իրենց թշնամանքի փիլիսոփայությունն այն է, որ խոչընդոտեն Իրանի առաջընթացին, քանի որ նրանք վախենում են, որ հարուստ պատմություն ունեցող երկիրը, եթե առաջընթաց ունենա, կխոչընդոտի իրենց գերիշխանությանը Արևմտյան Ասիայի կարևոր և հարուստ տարածաշրջանի նկատմամբ։
