Օրվա լրահոս

Ես չեմ կարող ասել՝ այ էս պատճառով բենզինը թանկացավ: Այս մասին, այսօր՝ մայիսի 10-ին, կառավարության նիստից հետո լրագրողների հետ զրույցում նշեց ՏՄՊՊՀ նախագահ Գեղամ Գեւորգյանը։ «Որպեսզի մենք կարողանանք ամբողջ շուկան ուսումնասիրել, որպեսզի կարողանանք նորմալ պատասխան տալ... ես ոչ թե միայն նայելու եմ շուկայի գնի բարձրացմանը: Այո, բենզինը 10 դրամով թանկացավ, մենք պետք է ամբողջ շուկայի կառուցվածքը ուսումնասիրենք, ինքնարժեքի ձեւավորման ամբողջ սխեման, ընդհուպ մինչեւ այդ բենզինը արտասահմանից՝ երրորդ երկրից ինչպես է հասնում Հայաստան: Ինչ ազդակներ կան, ինչ ինդիկատորներ են ազդում շուկայի վրա»,-նշեց նա՝ հավելելով, որ այդքան էլ պարզ մեխանիզմ չէ, որոշակի ուսումնասիրություն կա, բայց եթե չլիներ անհրաժեշտություն համապարփակ ուսումնասիրության, ինքն շատ արագ կտար պատասխան: Գեղամ գեւորգյանը նշեց, որ այսօր բենզին ներկրող առնվազն 3 խոշոր ընկերություն կա. «Անունները չեմ ասելու, սրանք սենց թե նենց կան: Կուսումասիրենք, չեմ ուզում սխալ ինֆորմացիա տալ: Այս հանձնաժողովը չի զբաղվում միայն բենզինով: Դուք հասկանում եք, որ տնտեսվարող սուբյեկտները անդադար իրար հետ տնտեսական մրցակցության այս կամ այն խախտման համար մեզ դիմում են: Ես այս մի քանի շաբաթվա ընթացքում 20-ից ավելի բողոք ու վարույթ եմ ունեցել»:

Վերջին նորություններ