ԵՄ-ում քննարկվում է ՌԴ-ի սառեցված ակտիվների օգտագործումը
Եվրոպական միությունում ակտիվացել են քննարկումները՝ Ռուսաստանի սառեցված ակտիվների օգտագործման շուրջ։ Ինչպես հայտնում է Politico-ն՝ հղում անելով եվրոպացի պաշտոնյաներին, խորհրդակցությունները ընթացքի մեջ են Եվրահանձնաժողովի ներկայացուցիչների և մի շարք երկրների, հատկապես Բելգիայի կառավարության միջև։
Պարբերականի տվյալներով՝ քննարկումների հիմնական թեման Ուկրաինային վարկ տրամադրելն է, որը դիտարկվում է ԱՄՆ նախագահ Դոնալդ Թրամփի խաղաղ ծրագրի ֆոնին։ Թեև գործընթացը շարունակվում է, աղբյուրները նշում են, որ առայժմ էական առաջընթաց չի արձանագրվել։
Որոշ եվրոպացի դիվանագետներ հույս են հայտնում, որ Բելգիայի իշխանությունների մոտեցումը կարող է փոփոխվել:
