ԱՄՆ-ն և Ուկրաինան Ժնևում քննարկում են խաղաղության համաձայնագիրը
ԱՄՆ-ն և Ուկրաինան մտադիր են խաղաղության համաձայնագիրը «վերջնական տեսքի բերել» այն հանդիպման ժամանակ, որն այժմ ընթանում Է Ժնեւում Ինչպես գրում է Axios-ը՝ հղում անելով ամերիկացի պաշտոնյային, կողմերի այսօրվա քննարկումները գնահատվել են արդյունավետ, և մի շարք ուղղություններով դրանք արդեն հասել են ավարտին։
Պաշտոնյայի տեղեկացմամբ՝ առանձին հարցերում հաջողվել է առաջընթաց գրանցել դեռևս նախնական բանակցությունների ընթացքում։ Նրա խոսքով՝ ընթացիկ նիստի հիմնական նպատակն է փաստաթուղթը բերել ամբողջական և համաձայնեցված տեսքի, որպեսզի այն պատրաստ լինի հետագա աշխատանքների համար։
Նշվում է, որ քննարկումները շարունակվում են փակ ձևաչափով, իսկ կողմերը ձգտում են հստակեցնել համաձայնագրի առանցքային հատվածները՝ քաղաքական, անվտանգային և տեխնիկական դրույթներով։ Այլ լրացուցիչ մանրամասներ պաշտոնապես չեն հրապարակվում։
