Կարևոր է համագործակցությունը Ռուսաստանի և ԱՄՆ-ի հետ. Էրդողան

Անկարայում Վլադիմիր Զելենսկիի հետ բանակցություններից հետո Թուրքիայի նախագահ Ռեջեփ Թայիփ Էրդողանը հայտարարել է, որ Ուկրաինայի հակամարտության կարգավորման գործում Անկարան կարևորում է Ռուսաստանի և Միացյալ Նահանգների հետ համագործակցությունը։

«Նախ և առաջ, մենք պատրաստ ենք Ռուսաստանի հետ քննարկել առաջարկներ, որոնք կկարագացնեն հրադադարը և կհարթեն արդար և երկարատև խաղաղության ճանապարհը։ Մենք մեծ նշանակություն ենք տալիս մեր դաշնակցի՝ Միացյալ Նահանգների մասնակցությանը այդ գործընթացում»,– նշել է նա՝ ամփոփելով բանակցությունների արդյունքները։

Էրդողանի խոսքով՝ Թուրքիան շարունակելու է գործել որպես միջնորդ՝ կարևորելով երկխոսության ու համագործակցության մեխանիզմների ակտիվացումը։