Պեսկովը` Իրանից Ռուսաստան ԱԹՍ-ների մատակարարման լուրի մասին

 ՌԴ նախագահի մամուլի քարտուղար Դմիտրի Պեսկովը, մեկնաբանելով արևմտյան մամուլում հայտնված հրապարակումն առ այն, որ Իրանը, իբր, անօդաչու սարքեր է մատակարարել Ռուսաստանին՝ Ուկրաինայում օգտագործելու համար, The Washington Post պարբերականին  մեղադրել է կեղծիքներ հրապարակելու համար, գրում է ՏԱՍՍ գործակալությունը։ 

«The Washington Post-ը, ցավոք, վերջերս շատ տեղեկատվական լցոնումներ է անում», - ասել է Կրեմլի ներկայացուցիչը։ 

«Ինչ վերաբերում է Իրանի հետ մեր հարաբերություններին, ապա դրանք դինամիկ են զարգանում, զարգանում էին նախկինում, զարգանում են հիմա և կշարունակեն զարգանալ»,- ընդգծել է Պեսկովը։