ԱՄՆ հատուկ բանագնացը Լիբանանը կոչել է «ձախողված պետություն»
ԱՄՆ հատուկ բանագնացը Սիրիայում՝ Թոմաս Բերաքը, Լիբանանը անվանել է «ձախողված պետություն»՝ ընդգծելով Վաշինգտոնի հիասթափությունը Բեյրութի անգործ կառավարությունից։ Այս մասին հաղորդում է Associated Press-ը։
Բերաքը նման հայտարարությամբ հանդես է եկել Բահրեյնում անցկացվող «Մանամայի երկխոսություն» գագաթնաժողովում՝ «ԱՄՆ քաղաքականությունը Լևանտում» թեմայով քննարկման ժամանակ։
Նա ողջունել է Սիրիայում տեղի ունեցող փոփոխությունները՝ դեկտեմբերին նախագահ Բաշար Ասադի տապալումից հետո, և նշել է, որ նոր նախագահ Ահմեդ աշ-Շաարան նոյեմբերի 10-ին կայցելի Վաշինգտոն։ Սա կլինի Սիրիայի նախագահի առաջին այցը ԱՄՆ անկախությունից՝ 1946 թվականից ի վեր։
Բերաքը նաև հայտնել է, որ Սիրիան, ինչպես սպասվում է, կմիանա ԱՄՆ-ի գլխավորած ԻՊ-ի դեմ պայքարի կոալիցիային՝ այդ քայլը գնահատելով որպես «մեծ առաջընթաց»։
Նրա խոսքով՝ կոալիցիայում ընդգրկված շուրջ 80 երկրներ համագործակցում են ԻՊ-ի վերածնունդը կանխելու ուղղությամբ։
Լիբանանի մասին խոսելիս, Բերաքը ընդգծել է, որ այն տարածաշրջանի միակ երկիրն է, որը չի համահունչվում Մերձավոր Արևելքի ընթացիկ փոփոխություններին։
