Քաղաքականություն Կարևոր

Փաշինյանը՝ «Թրամփի ուղի» նախագծի մասին․ ինտենսիվ աշխատանք է ընթանում ԱՄՆ-ի հետ

Փաշինյանը՝ «Թրամփի ուղի» նախագծի մասին․ ինտենսիվ աշխատանք է ընթանում ԱՄՆ-ի հետ
Ազգային ժողովում 2026 թվականի պետական բյուջեի նախագծի քննարկման ժամանակ վարչապետ Նիկոլ Փաշինյանը հայտարարել է, որ ներկայումս Միացյալ Նահանգների հետ ինտենսիվ աշխատանք է տարվում «Թրամփի ուղի» (TRIPP)…

Ազգային ժողովում 2026 թվականի պետական բյուջեի նախագծի քննարկման ժամանակ վարչապետ Նիկոլ Փաշինյանը հայտարարել է, որ ներկայումս Միացյալ Նահանգների հետ ինտենսիվ աշխատանք է տարվում «Թրամփի ուղի» (TRIPP) հաղորդակցության ծրագրի իրականացման ուղղությամբ։


Փաշինյանի խոսքով՝ ծրագիրը նոր է թե՛ Հայաստանի, թե՛ տարածաշրջանի համար և ներառում է մի շարք նրբություններ։ Նա վստահեցրել է, որ առաջիկայում կնախաձեռնվեն քննարկումներ՝ խնդիրների արագ լուծման և ծրագրի իրագործման նպատակով։


Վարչապետը նաև մեջբերումներ է արել ծրագրի տեքստից՝ նշելով, որ այն վերաբերում է Հայաստանի և Ադրբեջանի միջև հաղորդակցությունների բացմանը՝ պետությունների ինքնիշխանության, տարածքային ամբողջականության և իրավազորության հարգման հիման վրա։ Նախաձեռնությունը նպատակ ունի խթանել խաղաղությունը, կայունությունն ու բարգավաճումը տարածաշրջանում։


Փաշինյանը հավելել է, որ «Թրամփի ուղի հանուն միջազգային խաղաղության և բարգավաճման» ծրագիրը նախատեսում է Հայաստանի համագործակցությունը ԱՄՆ-ի և փոխադարձաբար համաձայնեցված երրորդ կողմերի հետ՝ սահմանելու ծրագրի իրականացման շրջանակը։


Նմանատիպ հոդվածներ

Ավելին Քաղաքականություն բաժնից

AURORA TV

Դիտել ուղիղ եթեր

Արագ որոնում

Հանրաճանաչ թեմաներ

Հայաստան (7318) Միջազգային (3209) ԱՄՆ (2276) Ռուսաստան (2075) Իրան (1731) Ընտրություններ (1270) Ուկրաինա (817) Երևան (794) Իսրայել (757) Ադրբեջան (610) Փաշինյան (557) Եվրոպա (510) Ընդդիմություն (434) Թրամփ (427) Ազգային ժողով (396)

Radio Aurora

Լսել Radio Aurora

Գովազդային տարածք

300x250