Մոսկվայում տեղի ունեցած անկարգություններից հետո մոտ 40 միգրանտ մեղադրվում է խուլիգանության համար

Մոսկվայի բնակելի համալիրում տեղի ունեցած անկարգություններից հետո մոտ 40 մարդ մեղադրվում է խուլիգանության համար։

Ներքին գործերի նախարարության մամուլի խոսնակ Իրինա Վոլկի խոսքով՝ Պրոկշինո բնակելի համալիրում տեղի ունեցած անկարգությունների կապակցությամբ հարուցվել է քրեական գործ։ Մոտ 40 մարդ բերման է ենթարկվել ոստիկանական բաժանմունք՝ խուլիգանության մեղադրանքով։

Այսօր կեսօրին բնակելի համալիրի բակում զանգվածային կռիվ էր բռնկվել, որտեղ փայտերով և բահերով զինված միգրանտները սկսել են ծեծել միմյանց։ Ոստիկանությունը ժամանել է և ձերբակալել մասնակիցներին։ Կռվի հետևանքով չորս մարդ վիրավորվել է, իսկ խանութների ցուցափեղկեր ու մեքենաներ են վնասվել։