5 հազար զոհերով ծնել է խաղաղության օրակարգ. Քոչարյանը՝ Փաշինյանի մասին
Պարադոքսալ է, որ պատերազմ բերած մարդը խոսում է խաղաղության մասին։ Այս մասին մամուլի ասուլիսի ժամանակ նշեց Հայաստանի երկրորդ նախագահ Ռոբերտ Քոչարյանը։
«2018–ին նա խաղաղությունից չէր խոսում, որովհետև կար խաղաղություն, բայց չկար խաղաղության օրակարգ։ Երբ խաղաղություն չի լինում, հայտնվում է խաղաղության օրակարգ։ Ինքը բերել է պատերազմ, ինքը իր գործողություններով, 5 հազար զոհերով և 11 հազար վիրավորներով ծնել է խաղաղության օրակարգ։ Աբսուրդը նրա մեջ է, որ ինքը փորձում է այդ օրակարգի հեղինակը լինել և մենաշնորհը ունենալ այդ օրակարգի վրա։ Մենք պետք է ցույց տանք, որ դա բացարձակ սուտ է, չկա այդպիսի բան»,- ասել է նա։
