Հունվարին արդեն կարող է քաղաքական միավորման մասին գործընթացը սկսենք. Նարեկ Կարապետյան

Գյումրին շատ կարևոր քաղաք է մեզ համար։ Այս մասին լրագրողների հետ զրույցում հայտարարել է «Մեր ձևով» շարժման համակարգող Նարեկ Կարապետյանը։

«Այսօր Գյումրիի օրն է և այդ պատճառով նաև որոշեցինք այսօր բացել մեր շարժման գրասենյակը։ Այս պահին աշխատում ենք «Վառեմ մառեմ» շենքի վրա, որից հետո կներկայացնենք մեր հետագա քայլերը, շուտով նաեւ կներկայացնենք նաեւ Գյումրիի վերաբերյալ մեր ամբողջական տեսլականը»,– ասել է Նարեկ Կարապետյանը։

Հարցին՝ երբ են հայտարարելու քաղաքական գործունեության մասին, Նարեկ Կարապետյանը պատասխանեց:

«Հունվարին արդեն կարող է քաղաքական միավորման մասին գործընթացը սկսենք»,- հավելել է նա։