Շեֆը ելույթ ա ունենում. աննորմալություն է 1.5 ժամում համագումար ավարտել. լեզվակռիվ ԱԺ-ում

Աննորմալություն է 1.5 ժամում համագումար ավարտելը, շեֆը ելույթ ա ունենում, բոլորը քվեարկում են, այսօր Աժ հարցուպատասխանի ժանակ  լեզվակռիվ տեղի ունեցավ «ՀՅԴ խմբակցության» անդամ Գեղամ Մանուկյանի և վարչապետ Նիկոլ Փաշինյանի միջև

Կառավարության հետ հարց ու պատասխանի ժամանակ ընդդիմադիր պատգամավորը հարցրեց վարչապետին` համաժողովին մեկը չկա՞ր ասեր` ՔՊ–ի զինանշանի վրայից Արարատը հանելուն դեմ եմ։

«Էդ կուսակցությունների մասին օրենքը, եթե ձեզ (նկատի ունի ՀՅԴ–ին–խմբ.) հնարավորություն է տալիս փակվել Ծաղկաձորում, ուրեմն վատ սողանցքներ է թողում։ Ինչ է նշանակում կուսակցությունը գնա փակվի, կոնսպերատիվ, չեմ ուզում ասեմ ահաբեկչական ժողով անի, պետք ա փոխել էդ օրենքը»,–պատասխանեց Փաշինյանը։

Գեղամ Մանուկյանն հեգնեց` օրենքը փոխեք ու գրեք, որ բոլոր կուսակցությունների ժողովներին Նիկոլ Փաշինյանը կարող է ներկա լինել։