Եթե Ռուսաստանը հաղթի պատերազմում` դա վտանգավոր նախադեպ կդառա. Չեխիայի նախագահ
Եթե Ռուսաստանը հաղթի Ուկրաինայի դեմ պատերազմում, դա կօրինականացնի ուժը և կստեղծի վտանգավոր նախադեպ ամբողջ աշխարհի համար։
Clash Report-ի փոխանցմամբ՝ այս մասին հայտարարել է Չեխիայի նախագահ Պետր Պավելը Նյու Յորքում ՄԱԿ-ի Գլխավոր ասամբլեայում։
Չեխիայի նախագահ Պետր Պավելը նշել է, որ նման իրադարձությունը արդյունավետորեն կօրինականացնի «բիրտ ուժի հաղթանակը» միջազգային հարաբերություններում և կհարթի նոր ագրեսիայի ճանապարհը։
«Եթե Ռուսաստանը հաղթի այս անարդար պատերազմում, դա կօրինականացնի ուժը։ Դա կստեղծի վտանգավոր օրինակ, որը կարող է կրկնվել այլ տարածաշրջաններում», - ընդգծել է Պավելը։
Պետր Պավելը նաև կողմ է արտահայտվել Ուկրաինային զինամթերք մատակարարելու նախաձեռնության շարունակմանը։ Սակայն Չեխիայի կողմից Ուկրաինային մեկ միլիոնից ավելի հրետանային արկ մատակարարելու հաջող նախաձեռնությունը քննադատության է ենթարկվել երկրի ներսում։
Միևնույն ժամանակ, երկրի ամենաընդդիմադիր ուժը խոստացել է վերանայել իր դիրքորոշումը, եթե իշխանության գա։
