ԱՄՆ-ն չի կարող հրաժարվել ռուսական հարստացված ուրանից․ Ռայթ
ԱՄՆ-ն դեռևս չի կարող հրաժարվել ռուսական հարստացված ուրանի մատակարարումներից, բայց «եռանդուն աշխատում է» դրա համար, ասել է ԱՄՆ էներգետիկայի նախարար Քրիս Ռայթը։ Նա նշել է, որ միջուկային ռեակտորների ավելացման պատճառով ԱՄՆ-ն, կանխատեսումների համաձայն, ավելի շատ ուրան կսպառի։
«Մենք շարժվում ենք դեպի այդ ուղղությամբ, թեև չենք հասել, ռուսական հարստացված ուրանը այլևս չօգտագործելուն։ Մենք ակնկալում ենք տեսնել ուրանի սպառման արագ աճ ԱՄՆ-ում՝ թե՛ մեծ, թե՛ փոքր մոդուլային ռեակտորներում։ Ժամանակի ընթացքում այդ անհրաժեշտ բուֆերի չափը կաճի։ Մեզ անհրաժեշտ է մեծ քանակությամբ ներքին ուրան և հարստացման հզորություն», - ասել է նա։
Bloomberg-ը նշում է, որ Ռուսաստանը մատակարարում է հարստացված ուրանի մոտ մեկ քառորդը, որն անհրաժեշտ է ԱՄՆ 94 միջուկային ռեակտորներից բաղկացած նավատորմի համար, որոնք արտադրում են ԱՄՆ-ում էլեկտրաէներգիայի մոտ մեկ հինգերորդը։ Գործակալության տվյալներով՝ այս աղբյուրից կտրուկ հրաժարումը կարող է սպառնալ էլեկտրաէներգիայի մոտ 5%-ին՝ այլընտրանքային մատակարարների կամ լրացուցիչ պաշարների բացակայության դեպքում։
