Պուտինը բարձր է գնահատել ՇՀԿ գագաթնաժողովի անցկացումը Չինաստանում
ՌԴ նախագահ Վլադիմիր Պուտինը Շանհայի համագործակցության կազմակերպության (ՇՀԿ) գագաթնաժողովի անցկացումը, որը տեղի է ունեցել Չինաստանի Տյանցզին քաղաքում օգոստոսի 31-ից սեպտեմբերի 1-ը, հիանալի է անվանել։ Այս մասին հաղորդում է ՌԻԱ Նովոստին։
Այսօր պետության ղեկավարը հանդիպել է Չինաստանի կոմունիստական կուսակցության կենտրոնական կոմիտեի քաղբյուրոյի անդամ և Ժողովրդական ներկայացուցիչների համաչինական ժողովի մշտական կոմիտեի փոխնախագահ Լի Հունչժոնգի հետ Արևելյան տնտեսական ֆորումի (ԱԷՖ) շրջանակներում։ Զրույցի ընթացքում Ռուսաստանի ղեկավարը խնդրել է նրան երախտագիտության խոսքեր փոխանցել Չինաստանի նախագահ Սի Ցզինպինին՝ ՇՀԿ գագաթնաժողովի կազմակերպման և ջերմ ընդունելության համար։
«Ես կրկին շնորհավորում եմ Չինաստանին ՇՀԿ գագաթնաժողովի հիանալի անցկացման, Չինաստանի նախագահի կողմից առաջ քաշված նախաձեռնությունների համար։ Դրանք բոլորը, ինչպես արդեն ասացի, մասշտաբային են և ժամանակին», - նշել է Պուտինը։
Սեպտեմբերի 1-ին Սի Ցզինպինը Շանհայի համագործակցության կազմակերպության գագաթնաժողովում առաջ քաշեց նախաձեռնություն՝ ստեղծելու ավելի արդար և հավասար համաշխարհային կառավարման համակարգ, ինչպես նաև ձևավորելու մարդկության համար ընդհանուր ճակատագիր ունեցող համայնք։ Հետագայում Ռուսաստանի նախագահը հայտարարեց, որ Մոսկվան աջակցում է այս նախաձեռնությանը և հետաքրքրված է առաջարկությունների կոնկրետ քննարկում սկսելով։
