Խուզարկություններ` վարչական դատարանում. ձերբակալվել է նաև փաստաբան
Auroranews-ի տեղեկությունների համաձայն իրավապահներն այս պահին գործողություններ են իրականացնում վարչական դատարանի մի շարք դատավորների բնակարաններում և աշխատասենյակներում:
Քննչական գործողություններ են իրականացվում նաև Վարչական դատարանի նախկին նախագահ Արգիշտի Ղազարյանի աշխատասենյակում:
Հակակոռուպցիոն կոմիտեից Auroranews-ին հայտնեցին, որ դատական իշխանության ներկայացուցիչների բնակարաններում և աշխատասենյակներում խուզարկություններն իրականացվել են առանձնապես խոշոր չափերով կաշառք ստանալու փաստի առթիվ նախաձեռնված քրեական վարույթի շրջանակներում:
Ձերբակալվել են մի շարք անձինք, այդ թվում՝ փաստաբան։ Նախաքննության շահերից ելնելով՝ այս պահին այլ տեղեկատվություն չենք կարող հայտնել
