ՆԱՏՕ-ի գլխավոր քարտուղարը՝ Ուկրաինայի ու պատերազմի հաղթական ելքի մասին

ՆԱՏՕ-ի գլխավոր քարտուղար Յենս Ստոլտենբերգը «Ռամշտայն» ավիաբազայում կոնտակտային խմբի հանդիպման արդյունքներով Welt-ին տված հարցազրույցում կանխատեսում է արել ուկրաինական հակահարձակման մասին։ Նրա խոսքով՝ Կիևին դա կհաջողվի ճիշտ պահին։ 

«Ես խորապես համոզված եմ, որ երբ Ուկրաինան հարմար պահը գնահատի հակահարձակման համար՝ ավելի շատ տարածքների ազատագրմամբ, ապա այն կարող է հաղթական ավարտ ունենալ»,- խոստովանել է Հյուսիսատլանտյան դաշինքի գլխավոր քարտուղարը։ 

Ստոլտենբերգը հավելել է, որ ՆԱՏՕ-ն գիտակցում է ուկրաինացի զինվորականների՝ մարտի դաշտում հաջողության հասնելու կարողությունը։ Նա մատնանշեց, որ դրան նպաստում է, ի թիվս այլ բաների, Արևմուտքի անհավանական աջակցությունը: