Չինաստանը հրաժարվել է բանակցություններ վարել ԱՄՆ-ի հետ
Պեկինը մերժել է ԱՄՆ-ի առաջարկը՝ հեռախոսազրույց անցկացնելու պաշտպանության նախարարների միջև։ Սա կարող էր լինել երկու երկրների ռազմական ղեկավարների միջև առաջին բարձր մակարդակի շփումը Թրամփի նախագահ ընտրվելուց ի վեր։ Այս մասին հայտնել է Nikkei Asia-ն:
«ԱՄՆ պաշտպանության նախարար Փիթ Հեգսեթը առաջարկել է հեռախոսազրույց ունենալ իր չինացի գործընկերոջ հետ, սակայն չինական կողմը մինչ այժմ խուսափել է դրանից», - ասվում է հոդվածում։
Նշվում է, որ Պեկինը չի տեսնում հարաբերությունների բարելավման հստակ ուղի և կենտրոնացել է ԱՄՆ պաշտպանության նախարարի վերջին ելույթում ագրեսիվ լեզվախոսույթի վրա։
