Ռուսաստանը թիրախավորել է ԵՄ դիվանագետներին. սա հանցագործություն է. Ուկրաինայի ԱԳՆ
Ռուսաստանի կողմից Կիևի վրա հարձակման հետևանքով վնասվել է Եվրամիության պատվիրակության շենքը։ Այս մասին հայտարարել է Ուկրաինայի արտաքին գործերի նախարար Անդրեյ Սիբիգան։
Նախարարի խոսքով՝ Ռուսաստանը գիշերը թիրախավորել է դիվանագետներին, ինչը Վիեննայի կոնվենցիայի ուղղակի խախտում է։
«Սա հանցագործություն է, որը դատապարտվում է ոչ միայն ԵՄ-ի, այլև ամբողջ աշխարհի կողմից»,- ասել է Անդրեյ Սիբիգան։
Ըստ նախարարի՝ գիշերը Կիևի վրա ռուսական բանակի հարձակման հետևանքով զոհերի թիվը հասել է 10-ի, վիրավորվել է 48 մարդ։
