Ալիևը՝ Ռուսաստանում ադրբեջանցիների դեմ իրականացրած հարձակումների մասին
Ռուսաստանում սկսվեցին չհրահրված հարձակումներ ադրբեջանցիների դեմ։ Երկու մարդ սպանվեց և խոշտանգվեց։ Այնուհետև, ըստ պաշտոնական տեղեկատվության, նրանք մահացան սրտի կաթվածից։ Այս մասին «Ալ-Արաբիա» հեռուստաալիքին տված հարցազրույցում ասել է Ադրբեջանի նախագահ Իլհամ Ալիևը։
«Նույնիսկ եթե նրանք ենթադրաբար հանցագործություն են կատարել 20 տարի առաջ, նրանք մարդիկ են և չպետք է նրանց հետ այսպես վարվեն։ Ի՞նչ վերաբերմունք է սա։ Նրանց թվում էին Ադրբեջանի քաղաքացիներ և ադրբեջանական ծագումով Ռուսաստանի քաղաքացիներ։ Սա աննախադեպ գործողություն էր մեր ժողովրդի դեմ։
Մենք պատասխանատու չենք հարաբերությունների վատթարացման համար։ Մենք արձագանքում ենք միայն կառուցողական և օրինական ճանապարհով, բայց երբեք չենք հանդուրժի մեր նկատմամբ ագրեսիայի կամ անհարգալից վերաբերմունքի նշաններ և դրսևորումներ», - նշել է Ադրբեջանի նախագահը։
