Ալիև, մի բարկացրու Ռուսաստանին․ ցույցեր՝ ընդդեմ Ադրբեջանի նախագահի
«Այլ Ռուսաստան. Վ. Լիմոնովա» խմբավորման ակտիվիստներն ակցիա են անցկացրել Սանկտ Պետերբուրգում՝ Ադրբեջանի հյուպատոսության մոտ: Այս մասին հայտնում են տեղական լրատվամիջոցները։
Տեղի ոստիկանությունը ձերբակալել է երեք մասնակցի՝ Գլեբ Եժովին, Դանիլ Շմալկոյին և Իվան Գուբինին։ Ակտիվիստները Ադրբեջանի հյուպատոսության մոտ ընթերցել են երկար մի տեքստ, որտեղ մասնավորապես նշվում է․
«Ալիև, մի բարկացրու Ռուսաստանին։
Ադրբեջանի նախագահ Ալիևը որոշել է ռուսատյացություն խաղալ։ Քնքշորեն ընկերանում է Կիևի հանցավոր ռեժիմի հետ, ինչպես նաև օգնում է նրանց ռազմական և քաղաքացիական մատակարարումներով, հավանություն է տալիս Ռուսաստանի հետ պատերազմին։ Օրերս նա շնորհավորել է «արյունոտ ծաղրածու» Զելենսկուն «Անկախության» օրվա կապակցությամբ։ Ալիևը Բաքվում բանտ է նետում ռուս լրագրողներին, փակում է նրանց բերանը, ովքեր ցանկանում են ընկերություն անել մեր երկրի հետ։
Ընդ որում, Բաքուն հսկայական գումարներ է ստանում Սփյուռքից, հարյուր հազարավոր ադրբեջանցիներ ապրում և վաստակում են այստեղ։ Ալիևը կարծում է, որ կարելի է միաժամանակ սնվել Ռուսաստանի հաշվին և փնթփնթալ նրա վրա, չի ստացվի: Պահանջում ենք Ադրբեջանի իշխանություններից դադարեցնել Կիևին աջակցելը։ Ազատ արձակել քաղբանտարկյալներին՝ լրագրողներ Իգոր Կարտավիխին, Եվգենի Բելոուսովին, քաղաքագետ Նազակետ Մամեդովին, եվրասիական շարժման ակտիվիստներ Իբրահիմ Հասանովին, Իբրահիմ Գումբատովին և այլոց:
Չհամարձակվեք խոչընդոտել Ռուսաստանի մշակութային և լուսավորչական գործունեությանը: Ռուսաֆոբիան հիվանդություն է։ Ժամանակն է դիմել բժշկի»,- հայտարարել են ցուցարարները:
