Եվրահանձնաժողովը կքննարկի Ռուսաստանի դեմ 19-րդ պատժամիջոցների փաթեթի ընդունման հարցը
Եվրոպական հանձնաժողովը (ԵՀ) հաստատել է, որ Ռուսաստանի դեմ պատժամիջոցների 19-րդ փաթեթը կքննարկվի օգոստոսի 29-30-ը Բրյուսելում կայանալիք ԵՄ արտաքին գործերի նախարարների ոչ պաշտոնական հանդիպման ժամանակ: Այս մասին Բրյուսելում կայացած հանդիպման ժամանակ հայտարարել է Եվրահանձնաժողովի ներկայացուցիչ Անիտա Հիփերը:
«Պաշտպանության նախարարների և ԵՄ արտաքին գործերի նախարարների ոչ պաշտոնական հանդիպումների ժամանակ մենք նաև կքննարկենք, թե ինչպես կարող ենք հետագայում մեծացնել Ռուսաստանի վրա ճնշումը և ինչպես կարող ենք ավելի ակտիվ և արդյունավետ կերպով աջակցել Ուկրաինային», - ասել է նա։
Ավելի վաղ Եվրահանձնաժողովի ղեկավար Ուրսուլա ֆոն դեր Լեյենը հայտարարել էր Ռուսաստանի համար նախատեսված պատժամիջոցների 19-րդ փաթեթի մասին։
