Պուտինը զանգահարել է Իրանի նախագահին․ մանրամասներ

Ռուսաստանի նախագահ Վլադիմիր Պուտինը զանգահարել է  Իրանի նախագահ Մասուդ Փեզեշքիանին։ Այս մասին հայտնում է «ՏԱՍՍ»-ը։

Իրանի նախագահն իր աջակցությունն է հայտնել ուկրաինական ճգնաժամի խաղաղ կարգավորմանն ուղղված դիվանագիտական ջանքերին: Ռուսաստանի և Իրանի ղեկավարները քննարկել են երկկողմ օրակարգի մի շարք արդիական հարցեր, այդ թվում՝ էներգետիկայի և տրանսպորտի ոլորտներում:

Անդրադարձ է կատարվել նաև Իրանի միջուկային ծրագրի շուրջ ստեղծված իրավիճակին և Հարավային Կովկասի տարածաշրջանում տեղի ունեցող զարգացումներին:

Արդյունքում Պուտինն ու Փեզեշքիանը պայմանավորվել են հանդիպել Չինաստանում կայանալիք ՇՀԿ գագաթնաժողովում:

Հավելենք՝ ՇՀԿ գագաթնաժողովը տեղի կունենա Տյանցզինում օգոստոսի 31-ից սեպտեմբերի 1-ը։