Միրզոյանը՝ Հայաստան-Ադրբեջան նախաստորագրված համաձայնագրի և հետագա հնարավորությունների մասին
Արտգործնախարար Արարատ Միրզոյանը Կապանում դեսպանաժողովի ժամանակ, անդրադառնալով Հայաստան-Ադրբեջան նախաստորագրված համաձայնագրին, ընդգծել է հաստատված խաղաղության կարևորությունը Հայաստանի և տարածաշրջանի համար, ներկայացրել նոր իրողության պայմաններում ՀՀ արտաքին քաղաքական տեսլականը, ձևավորված նոր հնարավորություններն ու դրանց իրացման նպատակով իրականացվելիք աշխատանքները։ Այս մասին հայտարարություն է տարածել ՀՀ Արտաքին գործերի նախարարությունը։
«Արարատ Միրզոյանն անդրադարձ է կատարել տարածաշրջանային հաղորդակցությունների ապաշրջափակման միջոցով ընձեռնվող հնարավորություններին, միջազգային կապուղիների ընդլայնվող ցանցին ՀՀ արդյունավետ ներգրավածության ապահովմանն ուղղված ջանքերին և այդ նպատակով Վաշինգտոնում ստորագրված եռակողմ հռչակագրի կյանքի կոչման ուղղությամբ առաջիկա աշխատանքներին»,- նշված է հայտարարության մեջ։
