Միքայել Սրբազանին տեսնում ենք ապակե պատի ետևում՝ ոչ մի բանի համար. Արմեն Աշոտյան

Այստեղ եմ Միքայել Սրբազանին իմ աջակցությունը հայտնելու համար: Քաղաքական բանտարկյալների առկայությունը ցանկացած երկրում այդ երկրի ու այդ ժողովրդի ամոթն է: Կրկնակի ամոթ է, որ հասարակությունն ու ժողովուրդը հավուր պատշաճի չի պայքարում այդ մարդկանց ազատության համար: Այս մասին Միքայել Սրբազանի դատական նիստից առաջ լրագրողների հետ զրույցում ասել է ՀՀԿ փոխնախագահ Արմեն Աշոտյանը: 

Նա հավելել է, որ իր և Միքայել Սրբազանի միջև քաղաքական հակասություններն իր համար առ ոչինչ են այն բանի համար, որ իր եկեղեցու հոգևոր սպասավորն այսօր իր համոզմունքների համար շինծու ձևով ենթարկվում է ապօրինի հետապնդումնան և անազատության մեջ է:

«Դա խղճի հարց է, որ թե քաղաքական համոզմունքի»,- ասել է Աշոտյանը: 

«Հասարակության մեջ չկա մի շերտ, որ Նիկոլ Փաշինյանը չի ստեղծել մոբիլզացվելու հնարավորություն, հանրային պայքարն այս մարդկանց ազատության համար շատ հեռու է բավարար լինելուց: Մեր բոլորի համար ամոթ է, որ այսօր պետք է Միքայել Սրբազանին տեսնենք ապակե պատի ետևում՝ ոչ մի բանի համար»,- ընդգծել է նա: