Ռուսները՝ այնպիսի բաներ են արել, որ մեզ դուր չի եկել. Վենս
Միացյալ Նահանգները կարող է միջնորդ լինել Ռուսաստանի և Ուկրաինայի միջև պատերազմի դադարեցման հարցում՝ չնայած այն հնարավոր տարաձայնություններին, որոնք առաջացել են այս ամսվա ընթացքում նախագահ Դոնալդ Թրամփի և Ռուսաստանի նախագահ Վլադիմիր Պուտինի հանդիպումից հետո։ Այս մասին հայտնել է ԱՄՆ փոխնախագահ Ջեյ Դի Վենսը:
«Մենք կարծում ենք, որ միայն վերջին մի քանի շաբաթների ընթացքում արդեն ականատես ենք եղել էական զիջումների երկու կողմերից», — ասել է Վենսը։
Վենսը նաև քննադատել է ԱՄՆ Վնախկին նախագահ Ջո Բայդենին։
«Դա ինձ դուր չի գալիս։ Բայց սա պատերազմ է, և հենց այդ պատճառով մենք ցանկանում ենք կանգնեցնել սպանությունները։ Ռուսները այնպիսի բաներ են արել, որ մեզ դուր չի եկել։ Շատ խաղաղ բնակիչներ են զոհվել։ Մենք սկզբից դատապարտել ենք այդ գործողությունները, և անկեղծ ասած՝ նախագահ Թրամփն, անկասկած, ավելի շատ է ռուսների վրա ճնշում գործադրել և տնտեսական լծակներ կիրառել, քան Ջո Բայդենը վերջին երեք ու կես տարվա ընթացքում: Նա միայն խոսել է, բայց ոչինչ չի արել՝ սպանությունները կանգնեցնելու համար։ Այսպիսով, դուք հարցրեցիք՝ ինչն է ինձ զայրացնում։ Ինձ զայրացնում է պատերազմի շարունակվելը»,- հավելել է ԱՄՆ փոխնախագահը։
