Իսրայելի ագրեսիան տարածվում է նաև Գազայից այն կողմ․ Արաղչի
Ջիդդայում ԻՀԿ-ի արտակարգ նախարարական նիստից առաջ Իրանի արտաքին գործերի նախարար Աբբաս Արաքչին «Մեծ Իսրայելի» նկրտումները որակել է որպես տարածաշրջանային անվտանգության և համաշխարհային խաղաղության համար լուրջ սպառնալիք՝ կոչ անելով վճռական գործողություններ ձեռնարկել ցեղասպանությունն ու օկուպացիան դադարեցնելու համար։
Արաբական թերթում հրապարակված հոդվածում Իրանի արտաքին գործերի նախարարը զգուշացրել է սիոնիստական ռեժիմի այսպես կոչված «Մեծ Իսրայելի» նկրտումների կողմից իսլամական աշխարհին և միջազգային խաղաղությանը սպառնացող գոյաբանական սպառնալիքի մասին։
Նա Իսրայելի գործողությունները Գազայում որակել է որպես կանխամտածված և կազմակերպված ցեղասպանություն, որը ներառում է կանանց և երեխաների զանգվածային սպանություններ, հարկադիր տեղահանություն, սով և քաղաքացիական ենթակառուցվածքների ոչնչացում։ Արաքչին ընդգծում է, որ սա ժամանակավոր ռազմական բախում կամ սովորական մարդասիրական ճգնաժամ չէ, այլ էթնիկ զտումների համակարգված արշավ, որն իրականացվում է արևմտյան տերությունների, մասնավորապես՝ Միացյալ Նահանգների լռության և անգործության ներքո։
Նա նաև ընդգծել է, որ Իսրայելի ագրեսիան տարածվում է Գազայից այն կողմ՝ հղում անելով Արևմտյան ափին բնակավայրերի ընդլայնմանը, Լիբանանի և Սիրիայի վրա հարձակումներին, Եմենի գործերին միջամտությանը և Իրանում վերջերս տեղի ունեցած ռազմական գործողություններին, որոնք, նրա խոսքով, սպանել են ավելի քան հազար իրանցի։
