Եվրոպական մի քանի երկրներ դադարեցրել են փոստային ծառայությունը ԱՄՆ-ի հետ
Մի քանի եվրոպական երկրներ դադարեցրել են փոստային ծառայությունը Միացյալ Նահանգների հետ այն բանից հետո, երբ ԱՄՆ-ի նախագահ Դոնալդ Թրամփը չեղարկեց 800 դոլարից պակաս արժողությամբ ներմուծվող ապրանքների հարկային արտոնությունները։ Այդ մասին տեղեկացնում է Euronews-ը։
Սպիտակ տունը հայտարարել է, որ այն ուղղված է անօրինական և չարաշահող գործողությունների դեմ, որոնցից է դեպի ԱՄՆ անօրինական թմրանյութերի ներմուծումը։ Որոշումը չի ազդի նամակների և փոքր փաթեթների վրա, որոնց արժեքը 100 դոլարից պակաս է։ Մեծ Բրիտանիան, Ֆրանսիան, Գերմանիան, Իտալիան, Իսպանիան և Նիդեռլանդները հաջորդ շաբաթվանից ժամանակավորապես կդադարեցնեն ծառայությունները, իսկ Բելգիան արդեն իսկ դադարեցրել է դեպի ԱՄՆ ծանրոցներ ուղարկելը։
