Որքան հաճախ հանդիպեն Պուտինն ու Թրամփը, այնքան լավ ամբողջ աշխարհի համար. Ինֆանտինո

Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի միջև անձնական շփումների ակտիվացումը օգտակար է ամբողջ աշխարհի համար: Այս մասին հայտարարել է ՖԻՖԱ-ի նախագահ Ջանի Ինֆանտինոն, փոխանցում է «ՏԱՍՍ»-ը:

Նա մեկնաբանել է Թրամփի հայտարարությունը, որը հույս էր հայտնել Պուտինի՝ Միացյալ Նահանգներ կատարելիք այցի վերաբերյալ՝ կապված 2026 թվականի աշխարհի առաջնության հետ։ 

«Ես կարծում եմ, որ որքան շատ նախագահ Թրամփը և նախագահ Պուտինը միասին աշխատեն, այնքան լավ կլինի համաշխարհային խաղաղության համար», - ասել է ՖԻՖԱ-ի նախագահ Ջանի Ինֆանտինոն։