Թրամփը՝ Երրորդ համաշխարհային պատերազմին նպաստող հանգամանքների մասին
ԱՄՆ նախագահ Դոնալդ Թրամփը հայտարարել է, որ մոլորակն այլևս չի շարժվում դեպի Երրորդ համաշխարհային պատերազմ։ Այս մասին նա ասել է ամերիկացի լրագրող Մարկ Լևինի հետ հարցազրույցում, փոխանցում է «ՏԱՍՍ»-ը։
Խոսելով Ուկրաինայի հակամարտության մասին՝ նա նշել է, որ ԱՄՆ նախորդ նախագահ Ջո Բայդենի վարչակազմի օրոք իրավիճակը միայն վատթարացել է։
«Կարծում եմ՝ այն տանում էր դեպի Երրորդ համաշխարհային պատերազմ, բայց հիմա դա այլևս չի կրկնվի։ Սա լավ նորություն է։ Դուք այլևս անհանգստանալու կարիք չունեք:
Կտեսնենք, թե ինչպես կզարգանա կարգավորման գործընթացը։ Սա ամենավատ բանն է, որ տեղի է ունեցել ռազմական հակամարտությունների առումով։ Սրանք ամենաբարձր թվերն են, որոնք մենք տեսել ենք Երկրորդ համաշխարհային պատերազմից ի վեր», - հավելել է Դոնալդ Թրամփը։
