Իրանը կարող էր միջուկային զենք ստեղծել, բայց իմ ինքնաթիռները ռմբակոծեցին նրանց միջուկային օբյեկտները. Թրամփ
Իրանը կարող էր չորս շաբաթվա ընթացքում միջուկային զենք մշակել, եթե չլիներ ԱՄՆ ՌՕՈՒ միջուկային օբյեկտների ռմբակոծումը: Այս մասին հայտարարել է ԱՄՆ նախագահ Դոնալդ Թրամփը ամերիկյան Մարկ Լևինին տված հարցազրույցում, որը հրապարակվել է Նրա YouTube-ալիքում։
«Եվ նրանք կկիրառեին այն»,- ասել Է Սպիտակ տան ղեկավարը:
Բացի այդ, Թրամփն իրեն անվանել է «պատերազմի հերոս», ինչպես նաև Իսրայելի վարչապետ Բենյամին Նեթանյահուն:
«Նեթանյահուն պատերազմի հերոս է, քանի որ մենք միասին ենք աշխատում։ Նա հերոս է, ենթադրում եմ, որ ես նույնպես», - եզրափակել է ամերիկացի առաջնորդը։
Նրա խոսքով՝ հենց իրանական միջուկային օբյեկտների ամերիկյան ռմբակոծություններն են թույլ տվել կանխել Թեհրանի կողմից նման սպառազինության մշակումը:
«Ես եմ ուղարկել այդ ինքնաթիռները Իրանի միջուկային օբյեկտները ռմբակոծելու համար»,- ասել է ԱՄՆ նախագահը:
Հիշեցնենք՝ Հունիսի 22-ի գիշերը ԱՄՆ-ի ռազմաօդային ուժերը հարձակվել են Իրանի երեք միջուկային օբյեկտների վրա: Իրանի ուրանի հարստացման առանցքային օբյեկտները «ամբողջությամբ ոչնչացվել են»։
