Ուկրաինայում ամերիկյան զորքեր չեն լինի. Սպիտակ տուն

ԱՄՆ-ում բացառում են Ուկրաինա ամերիկացի զինվորներ ուղարկելը։ Նման հայտարարություն է արել Սպիտակ տան մամուլի քարտուղար Քերոլայն Լևիտը լրագրողների հետ ճեպազրույցում, փոխանցում է «ՌԻԱ Նովոստի»- ն։

«Ուկրաինայում ամերիկյան զորքեր չեն լինի: Մենք, անշուշտ, կարող ենք օգնել համակարգմանը և, հնարավոր է, տրամադրենք անվտանգության այլ երաշխիքներ», - ասել է նա։

Նրա խոսքով՝ ԱՄՆ փոխնախագահ Վենսը, պետքարտուղար Ռուբիոն և նախագահի ներկայացուցիչ Ուիթքոֆը կհամակարգեն ՌԴ և Ուկրաինայի հետ աշխատանքները՝ Պուտին-Զելենսկի հանդիպումն ապահովելու համար։