Ուկրաինան ուզում է Ամերիկայից գնել 90 միլիարդ դոլարի զենք. Զելենսկի

Ուկրաինան առաջարկել է Միացյալ Նահանգներից գնել 90 միլիարդ դոլարի զենք, այդ թվում՝ ինքնաթիռներ և ՀՕՊ համակարգեր: Այս մասին հայտարարել է Վլադիմիր Զելենսկին Վաշինգտոնում կայացած բանակցություններից հետո:

«Երաշխիքների երկրորդ կետն ամերիկյան զենքի փաթեթն է, որը մենք չունենք: Սա, ի թիվս այլ բաների, ներառում է ինքնաթիռներ և հակաօդային պաշտպանության համակարգեր: Իրոք, կա մեր առաջարկներով փաթեթ՝ 90 միլիարդ դոլարի չափով», - ասել է նա:

Զելենսկին նաև հաստատել է, որ Ուկրաինան առաջարկել է ԱՄՆ-ին անօդաչու թռչող սարքեր մատակարարել, սակայն չի նշել քանակը։

«Մենք պայմանավորվածություն ունենք ԱՄՆ նախագահի հետ, որ նրանք մեզանից անօդաչու թռչող սարքեր կգնեն, երբ մենք սկսենք զենքի արտահանումը», - նշել է նա։