Մեծ Բրիտանիան կօգնի Ուկրաինայում ընտրություններ անցկացնել
Մեծ Բրիտանիան կօգնի Ուկրաինային պատերազմից հետո ընտրություններ անցկացնել, այս մասին հաղորդում է Express-ը:
Երկու երկրների ընտրական հանձնաժողովներն արդեն ստորագրել են համապատասխան հուշագիր։ Մասնավորապես, Լոնդոնը կարող է օգնել արտերկրում քվեարկության կազմակերպման, ընտրարշավների ֆինանսավորման կարգավորման և քվեաթերթիկների ու թեկնածուների անվտանգության ապահովման հարցում:
Հոդվածում նաև ասվում է, որ հետպատերազմյան նախընտրական արշավում որոշիչ դեր են խաղալու «Ուկրաինայի ընտրություններին Ռուսաստանի միջամտության հետ կապված մտահոգությունները»:
