Ղրիմը հնարավոր չէ վերադարձնել Ուկրաինային․ Թրամփ
ԱՄՆ առաջնորդ Դոնալդ Թրամփը Ֆոքս Նյուզ հեռուստաալիքին տված հարցազրույցում հայտարարել է, որ անհնար է ինչպես Ղրիմի վերադարձն Ուկրաինային, այնպես էլ Կիևի անդամակցությունը Հյուսիսատլանտյան դաշինքին:
Սպիտակ տան ղեկավարը նշել է, որ Կիեւի անվտանգության երաշխիքները չեն կարող ներառել Ուկրաինայի անդամակցությունը ՆԱՏՕ-ին, սակայն Վաշինգտոնը պատրաստ է այդ հարցում օգնել Եվրոպային:
Թրամփը հարցազրույցում նաև ասել է, որ քանի դեռ նա գտնվում է ԱՄՆ նախագահի պաշտոնում, Ուկրաինայում ամերիկյան զորքեր չեն լինի:
Սակայն, նրա խոսքով, Ֆրանսիան, Գերմանիան և Մեծ Բրիտանիան ցանկանում են զորքեր տեղակայել Ուկրաինայում ։
Նշենք, որ Ռուսաստանի իշխանությունները բազմիցս հայտարարել են, որ Ուկրաինայի միջուկային, չեզոք և արտադաշինքային կարգավիճակը հակամարտության խաղաղ կարգավորման հիմնական պայմաններից մեկն է:
