Այժմ քննարկվում է Պուտին-Զելենսկի հանդիպման վայրի տարբերակները. Քերոլայն Լևիթ
ԱՄՆ-ն Ռուսաստանի և Ուկրաինայի հետ քննարկում է Ռուսաստանի նախագահ Վլադիմիր Պուտինի և Վլադիմիր Զելենսկու հնարավոր հանդիպման վայրի բազմաթիվ տարբերակներ, այս մասին հայտարարել է Սպիտակ տան մամուլի քարտուղար Քերոլայն Լևիթ:
«Կան մի շարք տարբերակներ, որոնք ներկայումս մեր ազգային անվտանգության թիմը քննարկում է երկու կողմերի հետ», - ասել է նա լրագրողների համար կազմակերպված հերթական ճեպազրույցի ժամանակ։
Ավելի վաղ ԱՄՆ նախագահ Դոնալդ Թրամփը Վաշինգտոնում հանդիպում է ունեցել Վլադիմիր Զելենսկու և եվրոպական երկրների ղեկավարների հետ։ Ավելի ուշ ամերիկացի առաջնորդը զանգահարել է նաև Ռուսաստանի նախագահ Վլադիմիր Պուտինին։ Ռուսաստանի նախագահի օգնական Յուրի Ուշակովի խոսքով՝ Ռուսաստանի և ԱՄՆ առաջնորդները աջակցություն են հայտնել Մոսկվայի և Կիևի միջև ուղիղ խորհրդակցությունների շարունակմանը։
